NMPI akademiyalıq liceyi 201-topar oqıwshısı Bazarbaev Shuxrat Adolat social-demokratiyalıq partiyası tàrepinen shòlkemlestirilgen “Konstituciya bilimdanı” tañlawınıñ Qalalıq basqıshında 35 mektep, texnikum, liceyler arasında sıylı II orındı iyeledi. Oqıwshımızdı jetiskenligi menen qutlıqlaymız, oqıwlarında tabıslar tileymiz.
Бүгин 22-ноябрь күни Әжинияз атындағы Нөкис мәмлекетлик педагогика институты академиялық лицейинде “Наданлыққа қарсы ағартыўшылық” атамасында ушырасыў болып өтти.
Búgin 22-noyabr kúni NMPI akademiyalıq liceyinde “Nadanlıqqa qarsı aǵartıwshılıq” atamasında ushırasıw bolıp ótti.Ushırasıwǵa QR Ministrler Keńesi Din isleri boyınsha bas qániyge Q.Nezamatov, QR Ministrler Keńesi Din isleri komiteti hayal-qızlar máseleleri boyınsha bas qániyge B.Ayımbetova, Muxammed Baqıy Iyshan meshiti imamı Sh.Qudaybergenov,Nókis qalası ruwxıylıq hám aǵartıwshılıq bólimi baslıǵı Q.Nuratdinov hám oqıwshı jaslar qatnastı.
Ilájda qániygeler tárepinen oqıwshı jaslarǵa “Nadanlıqqa qarsı aǵartıwshılıq” atamasında úgit- násiyat jumısları alıp barıldı.
Búgin 26-noyabr kúni akademiyalıq licey Málimleme resurs orayında Shet tiller baǵdarı pán aylıǵı sheńberinde kitapxanashılar menen birgelikte “Jáhán ádebiyatlarına sayaxat” atamasında ádebiy keshe ótkerldi. Keshege Jaslar menen islesiw boyınsha direktor orınbasarı G.Masharipova qatnastı.
Ilájda oqıwshılar tárepinen tayarlanǵan kitaplar haqqındaǵı danalıq pikirler, dúnya júzindegi belgili kitapxanalar, kitap penen doslasıw haqqındaǵı videorolik hámde TOP 5 likte turǵan kitaplar boyınsha qızıqlı maǵlıwmatlar berildi. Sonday aq jáhán kitaplar dúnyasına sayaxat kórgizbesi shólkemlestirildi.
Bunday ilájlardıń ótkeriliwi oqıwshılarda kitapqumarlıq mádeniyatın asırıwda ahmiyetli bolıp esaplanadı.
29-noyabr kúni Shet tiller pán aylıǵınıń juwmaqlanıwı múnásibeti menen keshe bolıp ótti. Keshege licey direktorı, Jaslar menen islesiw boyınsha direktor orınbasarı hám bir qatar oqıtıwshılar qatnastı. Bayram keshesinde oqıwshılar tárepinen tayarlanǵan koncert baǵdarlaması usınıs etildi. Baǵdarlamadan shet tillerindegi qosıqlar, ayaq oyınlar hám de viktorinalar orın aldı. Pán aylıǵında barlıq ilájlarǵa belsene qatnasqan oqıwshılar ,sonday aq inglis, nemis, rus tilleri pánlerinen “Pán bilimdanı” jeńimpaz oqıwshıları licey hákimshiligi tárepinen húrmet jarlıqları menen sıylıqlandı.
30-noyabr kúni 2-parada 112-toparda biologiya páni oqıtıwshısı Xojalepesova Gúlistannıń ” Zamarrıqlardıń hár qıylılıǵı, dúzilisi, tirishilik ciklin úyreniw” temasındaǵı ashıq sabaǵı bolıp ótti. Ashıq sabaqta pedagogikalıq texnologiyalardan hám kórgizbeli quralardan paydalandı. Hár bir bólimge arnawlı interaktiv metodlar qollanıldı. Oqıwshılar da sabaqqa belsene qatnastı. Sabaqta oqıtıwshınıń pedagogikalıq sheberligi ayqın kózge taslandı. Sabaqqa qatnasqan barlıq oqıtıwshılar unamlı pikirler bildirdi hámde Gúlistannıń barlıq sabaqlarınan úlgi alıwǵa hám en jaydırıwǵa arzıytuǵınlıǵın aytıp ótti. Sabaq talıqlanıp “Úlgili” dep bahalandı.
“Mártebeń bálent bolsın,ana tilim!” 1-dekabr Qaraqalpaq tiline mámleketlik til biyliginiń berilgenine 33 jıl tolıwı múnásibeti menen NMPI akademiyalıq liceyinde “Mártebeń bálent bolsın, ana tilim!” atamasındaǵı ádebiy keshe bolıp ótti. Kesheni akademiyalıq liceydıń atqarıwshı direktorı Q.Qalxorazov ashıp berdi. Ilajda Ájiniyaz atındaǵı NMPI oqıtıwshıları filologiya ilimleriniń kandidatı, docent M.Embergenova, G.Patullaevalar, Nókis qalası ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov qatnastı hám úlken tarıyxıy sáne múnásibeti menen bársheni qutlıqladı. Bayram múnásibeti menen liceydıń Jaslar menen islesiw boyınsha direktor orınbasarı G.Masharipova hám qaraqalpaq tili hám ádebiyatı páni oqıtıwshısı A.Seytmuratovalar Nókis qalası hákimi tárepinen “Húrmet jarlıq” penen sıylıqlandı hám licey oqıwshı jasları tárepinen tayarlanǵan koncert baǵdarlaması menen dawam etti.
8-dekabr Ózbekstan Respublikası Konstituciyası qabıl etilgen kún!\
1-dekabr kúni akademiyalıq licey málimleme resurs orayında Ózbekstan Respublikası Konstituciyası qabıl etilgenligine 30 jıl tolıwı múnásebeti menen ushırasıw bolıp ótti. Ushırasıwǵa Puxaralıq isleri boyınsha Nókis rayonlar aralıq sudı baslıǵı M.Sapaev, akademiyalıq licey direktor orınbasarları, jámiyetlik pánler kafedrası oqıtıwshıları hám de oqıwshı jaslar qatnastı. Ushırasıwda Konstituciya mazmunı, mámleket turmısındaǵı áhmiyeti haqqında tereń túsinikler berildi. Sonday aq ushırasıw dawamında oqıwshılar ózleriniń qızıqtırǵan sorawlarına juwaplar aldı.
2-dekabr kúni socaial-gumanitar baǵdarı pán aylıǵı sheńberinde 1-2-kurs oqıwshıları arasında “Ana tilim-altın ǵáziynem” atamasında shıǵarmalar tańlawı ótkerildi. Bul tańlawdı ótkeriwden maqset oqıwshılardıń jazba sawatlılıǵın erkin pikirlew qábiletin anıqlawdan ibarat. Sonday-aq búgin “Gónergen sózlerdiń mánilerin tabıń” atamasında kewilli tánepisleri shólkemlestirildi. Licey oqıwshıları tánepis waqtında tilimizde qollanılıwdan shıǵıp qalǵan ayrım sózlerdiń mánileri hám olardıń qanday maqsette paydalanıw kerekligi haqqında maǵlıwmatlarǵa iye boldı.
3-dekabr kúni Social-gumanitar baǵdarı pán aylıǵı sheńberinde oqıtıwshı G.Tóremuratova tárepinen 1-2 kurs oqıwshıları arasında “Konstituciya bilimdanı” atamasındaǵı tańlaw ótkerildi. Tańlawǵa hár bir topardan bir oqıwshıdan qatnasıp, ózleriniń Konstituciya haqqındaǵı bilimlerin sınaqtan ótkerdi. Sonday-aq tariyx páni oqıtıwshısı A.Pirniyazov tárepinen “Sáneler sóylegende”atamasında kewilli tánepis🔔 shólkemlestirildi. Bunda oqıwshılar tariyx páninen berilgen blits sorawlarǵa tez waqıt ishinde juwaplar beriw shártin orınladı.
