NMPI akademiyalıq liceyinde jańa oqıw jılınıń ashılıwına arnalǵan saltanatlı ilaj bolıp ótti

Búgin, 4-sentyabr kúni Ájiniyaz atındaǵı Nókis mámleketlik pedagogikalıq institutı akademiyalıq liceyinde jańa 2023-2024-oqıw jılınıń ashılıwına baǵıshlanǵan saltanatlı bayram ilajı bolıp ótti.

Ilajda licey direktorı Q.Qalxorazov sózge shıǵıp, barlıq jıynalǵanlardı Ózbekstan Respublikası Ǵárezsizliginiń 32 jıllıǵı hám jańa oqıw jılınıń baslanıwı menen qutlıqladı.

Baslanıp atırǵan oqıw jılı qabıllawında eń joqarı ball menen oqıwǵa qabıl etilgen oqıwshılarǵa licey jámááti atınan sawǵalar tapsırıldı.

Oqıwdıń dáslepki kúni «Jańa turmıs ushın, Jańa Ózbekstan ushın!» atamasındaǵı Ǵárezsizlik sabaqları menen baslandı.

Liceydiń májilisler zalında direktor Q.Qalxorazov hám oqıtıwshı M.Mamutov oqıwshılarǵa elimizde sońǵı jıllarda ámelge asırılǵan reformalardıń nátiyjeleri haqqında maǵlıwmatlar berdi.

Sabaqlar akademiyalıq toparlar kesiminde dawam etti.