Ózbekstan Respublikası Ministrler Kabinetiniń 2020-jıl 12-oktyabrdegi “Ulıwma bilim beriw pánlerin biliw dárejesin bahalawdıń milliy test sistemasın engiziw haqqında” ǵı 646-sanlı qararına muwapıq búgingi kúnde 3 oqıtıwshı matematika, fizika hám tariyx pánlerinen milliy sertifikat alıwǵa miyassar boldı. Bul oqıtıwshılar Ózbekstan Respublikası joqarı bilimlendiriw, ilim hám innovaciyalar ministrligi hám de Ózbekstan Respublikası ekonomika hám  finans ministrliginiń 2023-jılı 31-avgusttegi «Milliy bahalaw sisteması muwapıq bolıwı lazım bolǵan xalıq aralıq standartlar, bilimlendiriw tarawında xızmet kórsetiwshi wákillikli xalıq aralıq shólkemler, xalıq aralıq tán alınǵan hám milliy bahalaw sistemasında berilgen sertifikatlar (olardıń kombinaciyası)  dizimi hám de hár aylıq ústeme alıw ushın olardıń eń kem dárejesin belgilew haqqında»ǵı 31-q/q, 5-kk-sanlı qospa qararı tiykarında olardıń bazalıq tarif stavkasınıń  50% muǵdarında ústeme alıw huqıqına eristi.

Pedagog oqıtıwshılar hár jılı turaqlı túrde óz qánigeliklerin jetilistirip kelmekte. 2023-jılda reje boyınsha 59 pedagog-oqıtıwshı qánigeliklerin jetilistiriw kerek bolsa búgingi kúnde 42 oqıtıwshı óz qánigeligin asırdı. Ózbekstan Respublikası Ministrler Kabinetiniń  2022-jıl 1-iyun kungi 296-sanlı qararına muwapıq 2023-jıl dekabr ayına shekem 17 oqıtıwshı qánigeligin asırıw kurslarına qatnasıwı rejelestirilgen. Sebepsiz qatnaspay qalǵan oqıtıwshılar joq.

2022-2023 oqıw jılında akademiyalıq liceydi 2-kurslarda 268 oqıwshı pitkerdi. 

Akademiyalıq licey pitkeriwshilerin joqarı oqıw orınlarına kiriw testlerine tayarlawda keń kólemli jumıslar alıp barıldı. Ótken 2022-2023 oqıw jılında pitkeriwshilerdiń joqarı oqıw orınlarına kiriw kórsetkishi 84,3 % dı (268 oqıwshı, sonnan 138 mámleketlik grant, 88 tólemli kontrakt) quradı.